ފުލުހުން އުވާލުމުގެ ކޮންސެޕްޓަކީ ރެޑިކަލް ކޮންސެޕްޓެއް ނުވަތަ ހައްދުފަހަނަ އެޅި ވިސްނުމެއް ކަމަށް ހީވިޔަސް، ފާއިތުވި އަހަރުތަކުގައި އެ ކޮންސެޕްޓަށްސަމާލުކަން ލިބިފައިވަނީ ޒަމާނުއްސުރެ ގާނޫނު ތަންފީޒުކުރާ ނިޒާމުތަކުގެ ތެރެެއިން މީހުންނަށް ބޮޑެތި އަނިޔަލެބި, ހައްގުތައް ގެއްލި, ފުލުހުންގެ އަނިޔާވެރިކަން އިތިހާއަށް ބޮޑުވުމުންވެ. ފުލުހުން ގިނަ ފަހަރު މަސައްކަތް ކުރަނީ ދިވެހި ރައްޔިތުންގެ ހައްގުތައް ދިފާއުކުރުމަށްވުރެ, ވެރިކަމުގެ ބާރުގައި ތިބި ބައެއްގެ ދިފާގައި, އަދި ބޮޑެތި މަހުޖަނުންގެ ދިފާއުގައި ކަމަށް ގިނަބަޔަކު ގަބޫލުކުރާކަމީ މިއަދު ފެންނަން އޮތް ހިތި ހަގީގަތެކެވެ. ފުލުހުންގެ ފައިދާއާއި އިންސާފުވެރިކަމާ މެދު މުޖުތަމައުތަކުން ސުވާލު އަންނަނީ އުފައްދަމުންނެވެ. ގުދުރަތީ ރީތިކަމާއި ހަމަޖެހޭ މާހައުލަށް މަޝްހޫރު ރާއްޖޭގައި ވެސް މިކަމުން އިސްތިސްނާއެއް ނުވެއެވެ. މި ލިޔުމުގައި ދިވެހި ފުލުހުން އުވާލުމުގެ ޚިޔާލު ހޯދައި، މުޖުތަމަޢުގެ ސަލާމަތާއި، އިންސާފާއި، އިޖުތިމާޢީ ހެޔޮ ދުޅަހެޔޮކަމަށް އިސްކަންދީގެން ކުރެވިދާނެ ބަދަލުތަކާ ބެހޭގޮތުން މަޝްވަރާކުރާނަމެވެ.
:ފުލުހުން އުވާލުމުގެ މަގުސަދު
ފުލުހުން އުވާލުމުގެ މަގުސަދަކީ ގާނޫނު ތަންފީޒުކުރާ ފަރާތްތަކުގެ ތެރޭގައި ނަސްލީ ތަފާތުކުރުމާއި، ގޯސް އަމަލުތައް ފުލުހުންގެ ތެރެއިން ހުއްޓުވުމަށްވުރެ, އައު ނިޒާމެއްގެ ދަށުން މީހުން އިސްލާހު ކުރުމަށް އަޅަންޖެހޭ ފިޔަވަޅުތައް އެޅުން ބުއްދިވެރިވެފައި ފައިދާބޮޑުވާނެކަމަށް ކަމާ ބެހޭ މާހުރުންނާއި އިލްމީ ދިރާސާތަކުން ހާމަވަމުން އަންނީ ޒަމާނާއެއްގޮތަށް މީހުން އިސްލާހުކުރުމުގެ މަސައްކަތް ފެށުމެވެ. ފުލުުހުން އުވާލުމަށް ސަޕޯޓުކުރާ މީހުން ބުނާ ގޮތުގައި ފުލުހުންގެ ބަދަލުގައި އެހެން ގޮތްކަކަށް މައްސަލަތައް ހަލުކުރުމަށް އިންވެސްޓް .ކުރުމަކީ ކުށުގެ އަސްލު ސަބަބުތައް ހައްލުކޮށް، ހަމަހަމަ އަދި އިންސާފުވެރި މުޖުތަމައެއް އުފެއްދިދާނެ ކަމެކެވެ.
:ކޮމިއުނިޓީ އޮރިއެންޓެޑް ސޮލިއުޝަންސް އަށް ބަދަލުވުން
ހަމައެކަނި މަރުކަޒީ ފުލުހުންގެ ބާރަކަށް ބަރޯސާވުމުގެ ބަދަލުގައި، ވަކިވަކި ފަރުދުން ބާރުވެރިކޮށް، އިޖުތިމާއީ އެއްބައިވަންތަކަން ކުރިއެރުވުމަށް މުޖުތަމައު އަށް އަމާޒުކޮށްގެން ހައްލުތަކަށް ބަދަލުވުމަށް ރާއްޖެއަށް ވިސްނިދާނެއެވެ. މިއީ މުޖުތަމައު އިސްކޮށް ހިންގާ އިސްނެގުމާއި، ރިސްޓޯރޭޓިވް ޖަސްޓިސް ޕްރޮގްރާމްތަކާއި، ކުށްކުރުމަށް މެދުވެރިވާ އަސްލު މައްސަލަތައް ހައްލުކުރާ ކޮންފްލިކްޓް .ރިޒޮލިއުޝަން ޕްރެކްޓިސްތަކަށް އިންވެސްޓްކުރުން ހިމެނިދާނެ ކަމެކެވެ.
އިޖްތިމާޢީ ޚިދުމަތްތަކާއި ނަފްސާނީ ސިއްޙަތަށް އެހީތެރިވުން އިތުރުކުރުން:
ފުލުހުން އުވާލުމުގެ މުހިންމު އެއް ކަމަކީ އިޖުތިމާއީ ހިދުމަތްތަކާއި ނަފްސާނީ ސިއްހަތަށް އެހީތެރިވުމަށް ވަސީލަތްތައް ރީޑައިރެކްޓް ކުރުމެވެ. އެކްސެސިބަލް ހެލްތްކެއާ، ކައުންސެލިން ސާވިސަސް، އަދި ކޮމިއުނިޓީ ޕްރޮގްރާމްތަކަށް އިންވެސްޓްކޮށްގެން، ފަގީރުކަމާއި، .ނުތަނަވަސްކަމާއި، ނަފްސާނީ ސިއްހަތުގެ ގޮންޖެހުންތައް ފަދަ ގިނަ ކުށްތަކުގެ އަސްލު ސަބަބުތައް ރާއްޖެއަށް ހައްލުކުރެވޭނެއެވެ.
ތަޢުލީމާއި ރައްކާތެރިކަމަށް ބާރުއެޅުން:
ދިވެހި ފުލުހުން އުވާލުމަކީ ތައުލީމާއި ރައްކާތެރިވުމަށް އަމާޒުކޮށްގެން ޕްރޮއެކްޓިވް ފިޔަވަޅުތަކަށް ބަދަލުވާން ޖެހޭނެ ކަމެކެވެ. ފެންވަރު ރަނގަޅު ތައުލީމާއި، ވޮކޭޝަނަލް ޓްރޭނިންގ އާއި، ވަޒީފާގެ ފުރުސަތުތަކަށް އިންވެސްޓްކޮށްގެން، ޤައުމުގެ ރައްޔިތުން ބާރުވެރިކޮށް، ޖިނާއީ ސުލޫކުގެ ފުރުޞަތު ކުޑަކުރެވޭނެއެވެ.
ރިސްޓޯރޭޓިވް ޖަސްޓިސް ޕްރެކްޓިސްތައް ތަންފީޒުކުރުން:
ރިސްޓޯރޭޓިވް ޖަސްޓިސް ޕްރެކްޓިސްތަކުން އަދަބު ދިނުމަށް ބަދަލު ގޮތެއް ހުށަހަޅައިދީ، ޖަލުގައި ބަންދުކުރުމަށްވުރެ ބޮޑަށް ޝިފާއާއި ސުލްހައަށް ބާރުއަޅައެވެ. ރިސްޓޯރޭޓިވް ޖަސްޓިސް ޕްރޮގްރާމްތައް ހިންގުމުން، ރާއްޖެއިން ކުށުގެ ޝިކާރައަކަށްވާ މީހުންގެ ބޭނުންތަކަށް އިސްކަންދީ، ޖަވާބުދާރީވުން ކުރިއެރުވުމާއި، މުޖުތަމައުގެ ޒިންމާގެ އިހުސާސް އުފެއްދުމުގެ ފުރުސަތު ލިބިގެންދެއެވެ.
އިތުބާރާއި ޖަވާބުދާރީވުން ބިނާކުރުން:
ފުލުހުން އުވާލުމުގައި ދިމާވާ މައިގަނޑު އެއް ގޮންޖެހުމަކީ ސަލާމަތާ ގުޅޭ ކަންބޮޑުވުންތައް ހައްލުކުރުމާއި ތަރުތީބު ބެލެހެއްޓުމެވެ. މިކަން ހާސިލް ކުރެވޭނީ ކޮމިއުނިޓީ އެންގޭޖްމަންޓާއި، ޓްރާންސްޕޭރެންސީއާއި، އެކައުންޓެބިލިޓީ މެކޭނިޒަމްތަކުގެ ތެރެއިންނެވެ. ކޮމިއުނިޓީ ލީޑް ސޭފްޓީ ކޮމިޓީތައް އުފެއްދުމާއި، ސިވިލް އޮވަރސައިޓް ބޯޑުތައް އުފެއްދުމާއި، ކުއްލި ހާލަތުގައި ރައްދުދޭ ނިޒާމުތަކަށް ޓެކްނޮލޮޖީ އިންޓަގްރޭޓް ކުރުމަކީ ރައްކާތެރިކަމުގެ އިހުސާސް ދެމެހެއްޓުމަށާއި އާންމުންގެ އިތުބާރު ކަށަވަރު ކުރުމަށް އެހީތެރިވެދޭނެ ކަމެކެވެ.
:ނިންމުން
ރާއްޖޭގައި ފުލުހުން އުވާލުމުގެ ޚިޔާލަކީ ވަރަށް ރަނގަޅަށް ވިސްނައި ޕްލޭން ކުރަން ޖެހޭ ކޮމްޕްލެކްސް އަދި ނިއުއަންސް މައުޟޫއެކެވެ. އެއީ ސީދާ މިވަގުން ވަގުތަށް ފެށިދާނެ ޕްރޮސެސްއަކަށް ނުވެދާނެއެވެ. ނަމަވެސް، އާންމު ރައްކާތެރިކަމާއި، އިންސާފާއި، އިޖުތިމާއީ ހެޔޮ ދުޅަހެޔޮކަމަށް ބަދަލު ގޮތްތައް ހޯދުމަކީ ކޮންމެހެން ކުރަންޖެހޭ ކަމެކެވެ. ކޮމިއުނިޓީ އޮރިއެންޓެޑް ސޮލިއުޝަންތަކާ ދިމާއަށް ބަދަލުވެ، އިޖުތިމާއީ ހިދުމަތްތަކަށް އިންވެސްޓްކޮށް، ރިސްޓޯރޭޓިވް ޖަސްޓިސް ޕްރެކްޓިސްތައް ޕްރޮމޯޓްކޮށްގެން، ރާއްޖެއަށް މަގުފަހިކޮށްދެވޭނީ، ހަމަހަމަ، އަދި ރައްކާތެރި މުޖުތަމަޢުއެކެވެ.
