ސަރުކާރުގެ ހަރަދުތައް ކުޑަކުރުމަށް ގޮވާލައި އެމްއެމްއޭގެ ޑެޕިއުޓީ ގަވަރުނަރު އިސްތިއުފާ ދީފި

B Brzihd62jpa7puwknpgwpl883

މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ޑެޕިއުޓީ ގަވަރުނަރު އަހުމަދު އިމާދު މިއަދު އޭނާގެ މަގާމުން އިސްތިއުފާ ދީފިއެވެ. މިގޮތަށް އިސްތިއުފާ ދެއްވީ ސަރުކާރުގެ ހަރަދުތައް ކުޑަކުރުމަށް ގޮވާލައި، އިތުރަށް ފައިސާ ޗާޕުކުރުމާ ދެކޮޅަށެވެ.

އިމާދު އިސްތިއުފާ ދެއްވަމުން ނެރުއްވި ބަޔާނުގައި ފާހަގަކުރައްވާފައިވަނީ ފައިސާ ޗާޕުކުރުމަކީ އެމްއެމްއޭގެ މައިގަނޑު މަގުސަދު ކަމުގައިވާ ޕްރައިސް ސްޓެބިލިޓީއާ ހިލާފު ނިންމުމެއް ކަމަށެވެ. އޭނާ ވިދާޅުވީ މި ވަގުތު އިގުތިސާދުގެ ރިއަލް ސެކްޓާއިން ކުރިއެރުންތަކެއް ލިބެމުންދިޔަ ނަމަވެސް، ފިސްކަލް އަދި މަނިޓަރީ ސެކްޓަރުގައި ގޮންޖެހުންތައް ވަރަށް ބޮޑުކަމަށެވެ.

ދައުލަތުގެ ބޭރުގެ ދަރަނި އިތުރުވަމުންދާކަން ހާއްސަކޮށް ފާހަގަކުރައްވަމުން، އިމާދު ވިދާޅުވީ ބޭންކުތަކުން ސަރުކާރަށް ދޫކޮށްފައިވާ ދަރަނީގެ ރިސްކު މަތިވެފައިވާކަމަށެވެ. މިކަމުގެ ސަބަބުން ޕްރޫޑެންޝަލް ރެގިއުލޭޓަރީ ފިޔަވަޅުތައް އަޅަން މަޖުބޫރުވާކަން ފާހަގަކުރެއްވިއެވެ. އަދި ޑޮލަރުގެ އަގު ހިފެހެއްޓުމަށް ހިފެހެއްޓިފައިވާ މަނިޓަރީ ސިޔާސަތުތައް ގެންގުޅެން ލާޒިމުވެފައިވާކަން ވެސް އެނގިވަޑައިގަންނަވާކަމަށް ބުންޏެވެ.

“އިތުރަށް ފައިސާ ޗާޕުކުރުމަކީ މިހާރު ވެސް ބޭންކިން ނިޒާމުގައި ހުރި އެކްސެސް ލިކުއިޑިޓީ ބޮޑުތަނުން އިތުރުވެގެންދާނެ ކަމެއް. މީގެ ސަބަބުން އެކްސްޗޭންޖް ރޭޓް ދެމެހެއްޓުމަށްޓަކައި އެމްއެމްއޭ އިން ކުރަމުންދާ މަސައްކަތްތަކަށް އިތުރު ގޮންޖެހުންތަކެއް ކުރިމަތިވާނެ,” އިމާދު ވިދާޅުވިއެވެ.

ހަމައެހެންމެ ފައިސާ ޗާޕުކުރުމުން ރުފިޔާގެ ލިކުއިޑިޓީ މެނޭޖްކުރުމަށް ކުރަންޖެހޭ ހަރަދު އިތުރުވެ، އެމްއެމްއޭގެ ބެލެންސް ޝީޓް ހީނަރުވެގެންދާނެކަމަށް އިމާދު ފާހަގަކުރެއްވިއެވެ. އަދި މިކަމުގެ ސަބަބުން ފިސްކަލް ކޮންސޮލިޑޭޝަން ގެނައުމަށް ބާރުއެޅުމުގެ ބަދަލުގައި، ފިސްކަލް ސިޔާސަތު އިތުރަށް ހީނަރުވެގެން ދިޔުމަށް މަގުފަހިވެގެންދާނެކަމަށް ވެސް ވިދާޅުވިއެވެ.

ފައިސާ ޗާޕުކުރުމަށް ޑެޕިއުޓީ ގަވަރުނަރު އިމާދު ތާއީދު ނުކުރުމާ ގުޅިގެން އެމްއެމްއޭގެ ނިންމުން ރިވިއުކޮށްދިނުމަށް އޭނާ އެދުނެވެ. ނަމަވެސް އެމްއެމްއޭގެ ގަވަރުނަރު އަހުމަދު މުނައްވަރު ވަނީ އެ ނިންމުން ރިވިއުކުރުމަށް ދެކޮޅު ހައްދަވާފައެވެ. އޭގެ ފަހުން އިމާދުގެ މަގާމުގެ މަސްއޫލިއްޔަތު އަދާނުކުރެވޭކަމަށް ބުނެ އޭނާ ވަކިކުރުމަށް ރައްޔިތުންގެ މަޖިލީހަށް މައްސަލައެއް ހުށަހެޅިއެވެ.

އިމާދުގެ އިތުރުން އެހެން ތަޖުރިބާކާރުންނާއި ވިޔަފާރިތަކުން ވެސް ސަރުކާރުގެ ހަރަދުތައް ހަމަޖައްސަން ފައިސާ ޗާޕުކުރުމާ ދެކޮޅަށް ކަންބޮޑުވުން ފާޅުކޮށްފައިވެއެވެ. އަދި އިދިކޮޅު އެމްޑީޕީން ވެސް މި ސިޔާސަތަށް ފާޑުކިޔައި، މިއީ ސަރުކާރުގެ އިސްރާފު ހަރަދުތައް ކުރުމަށް ކުރާ ކަމެއްކަމަށް ސިފަކޮށްފައިވެއެވެ.

ފަހުގެ