ދިވެހިރާއްޖޭގެ ގާނޫނު އަސާސީބުނާގޮތުން އިސްލާމް ދީނުގެ އަސްލުތަކާ ހިލާފުނުވާނަމަ ކޮންމެ ދިވެހި ރައްޔިތަކަށް ވެސް އެމީހެއްގެ ދުލާއި ގަލަމުން ޝުއޫރު ފާޅުކުރުމުގެ މިނިވަންކަން ލިބިގެންވެއެވެ. މާނައަކީ ކޮންމެ ދިވެހިރައްޔިތަކަށްވެސް އެމީހަކު ބޭނުން ހިޔާލެއް ގާނޫނު އަސާސީގެ ތަރަހައިގެ ތެރެއިން ފާޅުކުރެވޭނެއެވެ. ނަމަވެސް މި މިނިވަންކަމަށް ހުރަސް އެޅޭގޮތަށް ކުރާ ކޮންމެ ކަމަކީ ދިވެހިރާއްޖޭގެ ގާނޫނު އަސާސީއާ ހިލާފަށް ކުރާކަމެކެވެ.
ސަރުކާރުގެ އެންމެގުމަށް ސަރުކާރަށް ފާޑުކިޔާ ދެ ވެބްސައިޓެއް ސަރުކާރުން ވަނީ އިއްޔެ ބްލޮކްކޮށްފައެވެ. ސަރުކާރުން ވެބްސައިޓުތަކެއް ބްލޮކްކުރިއިރު, އެއީ ކުރިން ބްލޮކްކުރި “ބަރަހަނާ” ސައިޓްތަކުގެ ކެޓަގަރީއަށް ފެތޭ ސައިޓުތަކެއް ނޫނެވެ. އަދި އިސްލާމް ދީނުގެ އަސްލުތަކާ ހިލާފަށް ހިޔާލު ފާޅުކުރަމުން ގެންދާ ވެބްސައިޓުތަކެއް ވެސް ނޫނެވެ. މިހެންކަމުން ކުރިއަށް އޮތް ތަނުގައި ވެސް ހިޔާލުފާޅުކުރުމުގެ މިނިވަންކަން ހަނިކުރުމަށް ސަރުކާރުން މިފަދަ ވެބްސައިޓުތައް ބްލޮކްކޮށްފާނެތީ, ސަރުކާރުން ބްލޮކްކުރިއަސް ވެބްސައިޓުތަކަށް ވަދެވޭނެ ބައެއް ގޮތްތައް ހިއްސާކޮށްލާނަމެވެ.
ކުލައުޑް ފްލޭއާ
މިގޮތުން 1.1.1.1 އަކީ ކްލައުޑްފްލޭއާ އިން ފޯރުކޮށްދޭ ޕަބްލިކް ޑީއެންއެސް (ޑޮމެއިން ނޭމް ސިސްޓަމް) ރިޒޮލްވަރެކެވެ. ޑީއެންއެސް އަކީ އިންސާނުން ކިޔޭ ޑޮމެއިން ނަންތައް (www.example.com ފަދަ) ކޮމްޕިއުޓަރުތަކުން ނެޓްވޯކެއްގައި އެކަކު އަނެކަކު ދެނެގަތުމަށް ބޭނުންކުރާ އައިޕީ އެޑްރެސްތަކަށް ތަރުޖަމާކުރާ ނިޒާމެކެވެ. ޑީއެންއެސް ރިޒޮލިއުޝަން އަކީ އިންޓަނެޓް މުވާސަލާތީ މުހިންމު ބައެކެވެ.
ކްލައުޑްފްލޭއާގެ 1.1.1.1 ފަރުމާކޮށްފައިވަނީ އަވަސް އަދި ޕްރައިވެސީއަށް ފޯކަސް ކުރާ ޑީއެންއެސް ރިޒޮލްވަރ އަކަށެވެ. 1.1.1.1 ބޭނުންކުރުމުން، ޔޫޒަރުންނަށް ޑޮމެއިން ރިޒޮލިއުޝަން ވަގުތުތައް އަވަސްވެ، ވެބްސައިޓް ލޯޑްކުރުން އަވަސްވާނެއެވެ. އަދި އެއްވެސް އަގެއް ދެއްކުން ނެތި މި ސާވިސް ބޭނުންކުރެވެއެވެ.
މި ހިދުމަތް ބޭނުންކުރުމަށް ވެބް ބްރޯޒަރުގައި 1.1.1.1 ޖެހުމަށްފަހު ބޭނުންކުރާ އޮޕަރޭޓިން ސިސްޓަމަކާ ގުޅޭ ފައިލް ޑައުންލޯޑްކޮށް އިންސްޓޯލް ކުރުމަށްފަހު “ވާރޕް” އެކްޓިވޭޓް ކޮށްލައްވާށެވެ. އޭރުން ސަރުކާރުން ބްލޮކް ކޮށްފައިވާ ވެބްސައިޓުތަކަށް ހިލޭ ވަދެވޭނެއެވެ.
ކްލައުޑް ފެލޭއަށް ވަނުމަށް މި ލިންކަށް ފިތާލައްވާށެވެ.
ވީޕީއެން ބޭނުން ކުރުން
ވާޗުއަލް ޕްރައިވެޓް ނެޓްވޯކް (ވީޕީއެން) އަކީ މޯބައިލް ފޯންތަކާއި ކޮމްޕިއުޓަރު ސިސްޓަމް ފަދަ ތަކެތިން ބްލޮކް ކޮށްފައިވާ ވެބްސައިޓުތަކަށް ވަނުމަށް ބޭނުންކުރެވިދާނެ ވަސީލަތެކެވެ. އެންޑް ރޮއިޑް ވިއަސް އަދި އެޕަލް ވިއަސް, ސްޓޯރުގައި ވީޕީއެން ޖަހައި ސާޗުކޮށްލުމުން މިފަދަ ގިނަ އެޕްލިކޭޝަންތައް ފެންނާނެއެވެ. އަދި މިއިން އެޕްލިކޭޝަނެއް ޑައުންލޯޑްކޮށް އެކްޓިވޭޓްކުރުމުން ސަރުކާރުން ބްލޮކްކޮށްފައިވާ ވެބްސައިޓުތަކަށް ވަދެ ސަރުކާރަށް ފާޑުކިޔަން ލިޔެފައިވާ އާޓިކަލްތައް ކިޔައިލެވޭނެއެވެ.
މިގޮތުން ބޭނުންކޮށްލެވޭނެ ބައެއް ވީޕީއެންތައް ތިރީގައި މިވަނީއެވެ. ކޮންމެ ވީޕީއެންއެގެ ނަން އެވަނީ އެ ވީޕީއެންގެ ވެބްސައިޓާ ލިންކު ކުރެވިފައެވެ.
ޓޯރް ބޭނުންކުރުން
އަނިއަން ރައުޓަރ، އަކީ އިންޓަނެޓްގައި ކާކުކަން ނޭނި މުއާމަލާތް ކުރުމުގެ ފުރުސަތު ލިބޭ ޕްރައިވެސީއަށް ފޯކަސް ކުރާ ނެޓްވޯކެކެވެ. އެއީ ވޮލަންޓިއަރުން ހިންގާ ނޯޑްސް ނުވަތަ ރިލޭ ކިޔާ ސިލްސިލާ ސާވަރތަކެއް މެދުވެރިކޮށް އިންޓަނެޓް ޓްރެފިކް ރޫޓްކޮށްގެން ޕްރައިވެސީ އާއި ސެކިއުރިޓީ އިތުރުކޮށްދޭ ސާވިސްއެކެވެ. “އޮނިއަން ރައުޓަރ” މި ނަމަކީ މި ނޯޑްތަކުގެ ތެރެއިން ޑޭޓާ ފާއިތުވާއިރު އެ ޑޭޓާއަށް ޖަހާފައިވާ އެންކްރިޕްޝަންގެ އެތައް ފަށަލައެއް ބޭނުންކުރާ ހިދުމަތެކެވެ.
މި ލިންކުން ޓޯ ވެބްސައިޓަށް ވަދެވޭނެއެވެ. އަދި މޯބައިލް ފޯނުންވެސް އެޕް ސްޓޯ ނުވަތަ ޕްލޭ ސްޓޯރަށް ވަދޭ ޓޯރް ޑައުންލޯޑް ކުރެވޭނެއެވެ.
