ޑރ. މުހައްމަދު މުއިއްޒު ރައީސުލް ޖުމްހޫރިއްޔާކަމުގެ ހުވާ ކުރެއްވުމާ ގުޅިގެން ހަވާ އަރުވަން ސިފައިން މިރޭ ރާވާފައި އޮތް ގަޑި ބަދަލުވެއްޖެއެވެ.
މިގޮތުން މީގެ ކުރިން ހަވާ އަރުވަން ނިންމާފައިއޮތީ މިރޭ 21:00 ގައެވެ. ނަމަވެސް ދާދި ދެންމެއަކު ސިފައިން ބުނީ ހަވާއަރުވާ ގަޑި 21:30 އަށް ބަދަލުވެފައިވާކަމަށެވެ.
މިރޭ ހަވާއަރުވަން ހަމަޖެހިފައި އޮތީ އިއްޒުއްދީން ޖެޓީ ކުރިމަތިންނެވެ.
ފަސް މިނެޓު ވަންދެން ހަވާއަރުވާނެއެވެ.
ޑރ. މުއިއްޒު ވަނީ މިއަދު ހަވީރު ރައީސުލްޖުމްހޫރިއްޔާ ކަމުގެ ހުވާކުރައްވާފައެވެ.
