ނ. ލަންދޫ ކައުންސިލުން ގޮނޑިއަށް މެމްބަރަކު އިންތިހާބުކުރުމަށް މިއަދު ބޭއްވި އިންތިހާބު ޕްރޮގްރަސިވް ޕާޓީ އޮފް މޯލްޑިވްސް (ޕީޕީއެމް) އިން ކާމިޔާބުކޮށްފި އެވެ.
އިލެކްޝަން ކޮމިޝަނުގެ ވަގުތީ ނަތީޖާ ދައްކާގޮތުން ލަނދޫ ކައުންސިލްގެ ގޮނޑިޔަށް ކުރިމަތިލި ޕީޕީއެމްގެ ކެނޑިޑޭޓް އަލީ ހާފިޒް / ފުސްފަރު ނ.ލަންދޫއަށް ލިބިވަޑައިގަތީ 296 ވޯޓެވެ. މި ގޮނޑިޔަށް އަމިއްލަ ގޮތުން ކުރިމަތިލި މަޖުދުﷲ އަބްދުލް ރައްޒާގް / ރަސްފަރު .ލަންދޫއަށް ލިބިވަޑައިގަތީ 229 ވޯޓެވެ.
ޕީޕީއެމް ވުޖޫދަށް އައިފަހުން ބޭއްވި 17 ބައި އިލެކްޝަންގެ ތެރެއިން އެޕާޓީންވަނީ 14 ބައި އިލެކްޝަން ކާމިޔާބުކޮށްފައެވެ.
