އައިއެސް އާއި އަލްގައިދާއަށް ތާއީދުކުރާ ދިވެހި ފަރުދުންނާއި ވިޔަފާރިތަކަށް އެމެރިކާއިން ދަތިކުރުމުގެ ފިޔަވަޅު އަޅައިފި
އައިސިސް އާއި އަލްގައިދާގެ ގުޅުމާ ގުޅިގެން އެމެރިކާއިން ރާއްޖޭގައި 20 މީހަކާއި 29 ކުންފުންޏަކާ ދެކޮޅަށް ދަތިކުރުމުގެ ފިޔަވަޅު އަޅައިފި.
އެމެރިކާގެ ޚާރިޖީ ވުޒާރާގެ ތަރުޖަމާނު މެތިއު މިލާ ނެރުއްވި ބަޔާނެއްގައި ވިދާޅުވެފައިވަނީ އައިސިސް އާއި އަލްގައިދާގެ އޮޕަރޭޝަންތަކަށް މާލީ ގޮތުން އެހީތެރިކަން ފޯރުކޮށްދިން ކަމަށް ބުނެ އެމެރިކާއިން ރާއްޖޭގައި ހަރަކާތްތެރިވާ 20 ފަރާތަކާއި 29 ފަރާތަކާމެދު ފިޔަވަޅު އަޅާފައިވާ ކަމަށެވެ.
މިލާ ފާހަގަކުރެއްވި ގޮތުގައި މި ދަތިކުރުމުގެ ފިޔަވަޅުތަކުގެ ބޭނުމަކީ މި ޖަމާއަތްތަކަށް ރާއްޖެ ތެރެއިން ލިބޭ މާލީ އަދި އެހެނިހެން ބާވަތްތަކުގެ އެހީތެރިކަމަށް ހުރަސް އަޅައި ކަނޑާލުމެވެ. “މި ލިސްޓުގައި އައިސިސް އާއި އެ ޖަމާއަތުގެ ޚުރާސާން ބްރާންޗް (އައިއެސްއައިއެސް-ކޭ) އަށް 18 ފެސިލިޓޭޓަރުންގެ އިތުރުން އަލްގައިދާއާ ގުޅުން ހުރި ދެ މީހަކު ވެސް ހިމެނެ އެވެ. އަދި ލިންކްޑް 29 ފާމަކަށް ވެސް ވަނީ ހުއްދަ ދީފައި،” ބަޔާނުގައި ވެ އެވެ.
ދަތިކުރުމުގެ ފިޔަވަޅު އެޅި ފަރާތްތަކާއި ކުންފުނިތަކަކީ މީގެ ކުރިން 2019 ވަނަ އަހަރު އެމެރިކާއިން ދަތިކުރުމުގެ ފިޔަވަޅު އަޅާފައިވާ އައިއެސް-ކޭއާ ގުޅިފައިވާ މަޝްހޫރު ޖަމާއަތެއް ކަމަށްވާ މުހައްމަދު އަމީންއާ ގުޅުން އޮންނަ ބައެއް ކަމަށް ބެލެވެ އެވެ.
މީގެ އިތުރުން ދަތިކުރުމުގެ ފިޔަވަޅު އެޅި މީހުންގެ ތެރެއިން ބައެއް މީހުންނަކީ ލޯކަލް ނޫސްވެރިންނަށާއި ސަރުކާރުގެ އޮފިޝަލުންނަށް ހަމަލާތައް ދިނުމުގައި ބައިވެރިވި ބައެއް ކަން ވެސް އެ ބަޔާނުގައި ފާހަގަކޮށްފައިވެ އެވެ.
މިލަރ ގެ ވާހަކަފުޅު ނިންމަވާލައްވަމުން ވިދާޅުވެފައިވަނީ، މި ޓެރަރިސްޓް ނެޓްވޯކްތަކާ ދެކޮޅަށް މަސައްކަތްކުރުމުގެ އަޒުމުގައި އެމެރިކާ ދެމިއޮންނާނެ ކަމަށާއި، މިޓެރަރިސްޓް ނެޓްވޯކްތައް ރާއްޖެ އާއި ބައިނަލްއަޤްވާމީ ފެންވަރެއްގައި ވެސް ހުއްޓުވުމުގެ އަޒުމުގައި އެމެރިކާ ދެމިއޮންނާނެ ކަމަށެވެ.
