ހައުސިން މިނިސްޓަރ ޑރ. މުހައްމަދު މުއިއްޒުގެ ގޭގައި މަރުވެފައި އޮއްވާ ފެނުނު ބިދޭސީ މީހާގެ މައްސަލަ ފުރިހަމައަށް ތަހުގީގު ކުރަންޖެހޭކަމަށް ރައީސް މުހައްމަދު ނަޝީދު ވިދާޅުވެއްޖެ އެވެ.
ރައީސް ނަޝީދުގެ ފޭސްބުކް ޕޭޖުގެ ސްޓޭޓަސްގައި އަދި ޓްވިޓަރގައި ވިދާޅުވެފައިވަނީ، ހިއުމަން ޓްރެފިކިންއަކީ ބައިނަލްއަގުވާމީ މައްސަލައެއް ކަމަށާއި، މިމަހު 22 ވަނަ ދުވަހު މަރުވެފައިވާ ޒުވާން ބިދޭސީ މީހާގެ މަރާމެދު ސުވާލުއުފެދޭކަމަށާއި، އޭނާގެ ހަށިގަނޑު ޕޯސްޓު މޯޓަމާއި ޑިއެންއޭ ފަދަ ޓެސްޓުތައް ހަދައިގެން ތަހުގީގުކުރަންޖެހޭކަމަށެވެ.
Human Trafficking is a global issue. The suspicious death of expatriate young worker on 22/12 shud be investigated with postmortem, DNA, etc
— Mohamed Nasheed (@MohamedNasheed) December 23, 2012
ޓައިމްސް އަށް މައުލޫމާތު ލިބިފައިވާ ގޮތުގައި މިދިއަ ހޮނިހިރު ދުވަހު ހައުސިން މިނިސްޓަރ މުއިއްޒު ދިރިއުޅުއްވާ މ. ޗާނދަނީގޭ ނުވަ ވަނަ ފަންގިލައިން މަރުވެފައި އޮއްވާ ފެނިފައިވަނީ އުމުރުން 24 އަހަރުގެ ޖޭސްމީން ކިއާ ބަންގުލަދޭޝް އަންހެނެ ކެވެ.
މިކަމާގުޅިގެން ކޮމިޝަނަރ އޮފް ޕޮލިސް އަބްދުﷲ ރިއާޒް ވިދާޅުވެފައިވަނީ އަމިއްލައަށް މަރުވި މީހާގެ މައްސަލަ ފުލުހުން ތަހުގީގު ކުރަމުންދާކަމަށެވެ.
Police is investigating the suicide case. sun.mv/25391
— Abdulla Riyaz (@riyazabdulla) December 22, 2012
އެމީހާ މަރުވެފައިވަނީ އަމިއްލައަށް ކަމަށް ކޮމިޝަނަރ ރިއާޒު ވިދާޅުވި ކަމުގައިވިއަސް ބައެއް ސިއާސީ ބޭފުޅުން ދަނީ އެމީހާ މަރުވެފައިވާ ގޮތާމެދު ސުވާލު އުފައްދަމުންނެވެ.